白蘭花， 唔係香薰治療的常客， 勝在容易係香港接觸到，通常一年開花兩次，冬夏各一， 又以夏天的花量較好。
最常見係的士司機大佬會放係風口位或吊係倒後鏡，等架車無咁臭。
第二係街邊賣一花的婆婆和伯伯。見佢地好好心機入左細包，有時仲有白蘭葉襯底。
市面上唔常見有白蘭花精華油賣， 有的話香味總帶一點 up 味。
真係想要留住呢種香，唯有係自己浸泡吧。 點樣做浸泡油， 相信唔少書都有教，今次先唔講點浸， 成件事難在係鬧市捉到賣花的婆婆伯伯， 然後可以快快回家進行各種工序。。。 可能我唔常經過旺角銅鑼灣， 所以真係好少見到賣花人呢。
今年5月夏天浸左一轉。 有浸油，都有浸酒精。
今次浸泡油就拎來做梘， 希望仲有剩返少少可以整多批潤唇膏啦。
浸酒精的部份呢， 其實有唔少存貨， 俾D 時間再諗下點樣搞搞佢地啦！
