Savon de Marseille 72% 橄欖馬賽手工皂

未開始整手工皂之前, 都有聽聞過馬賽皂的好處。 真係講到要幾滋潤有幾滋潤,要幾保濕有幾保濕, 不過有幾好用都真係自己用過先知道! 手工皂的成份有72% 為橄欖油, 滋潤度和保濕度好適合香港的秋冬天, 而有濕疹的朋友都可以長年使用。 好多書都寫明馬賽皂有特定的油量比列要跟, 我只保留左 72% 橄欖油呢個份量, 其中的棕櫚油因為環保的原因, 個人立場就係可免則免, 所以使用其他更有營養的油來代替。 以我呢種唔鐘意跟recipe 的人來講, 呢種改動都好正常 XD 而家手上有兩個配方: 洋甘菊薰衣草 - 主要對應敏感肌,心靈上更可以令人放鬆, 特別適合下班回家鬆一鬆。 精華油: 薰衣草 Lavender , 羅馬洋甘菊 Roman Chamomile , 德國洋甘菊 German Chamomile 柑橘 -味道清新, 絕對能夠為沉悶的生活帶來一點生氣 精華油:sandalwood 檀香 ,lemon 檸檬,  abundence,kabosu 臭橃,yuzu 柚子 ,tangerine 桔,bergamot 佛手柑,orange 甜橙,petitgrain 苦橙葉 底油成份:Extra Virgin Olive Oil 初窄橄欖油, 檸檬橄欖油, Coconut Oil 椰子油, Sweet Almond Oil 甜杏仁油 ,Mango Butter 芒果脂, Rice Bran Oil 米糠油 *** 橄欖手工皂的熟成期比較長, 要60-90 日, 如果要custom blend 的朋友,...

Citrus Organic Lip Balm 柑橘味有機潤唇膏

多謝大家厚愛, 呢個甘橘味潤唇膏反應超勁, 連產品 detail 都未寫好就剩返一半了。 之前係facebook 提及總共使用 7 種不同的柑橘味精華油,  其實最大原因係自己的選擇困難症。。。又想要柚子的清新, 又要西柚的微酸, 仲想要埋佛手柑的清香。。。  咁就適當地全部用哂吧!想到柑橘系朋友們在心靈情緒上的功效, 即刻頭也不回全部放入潤唇膏內! 除了肉體上保護雙唇, 最重要可以舒緩神經緊張、 抗抑鬱, 實在係寒冬為你打打氣! 成份:蜂蠟 Bee Wax 、乳木果油 Shea Butter 、 椰子油  Coconut Oil 、 甜杏仁油  Sweet Almond 、 杏核油 apricot kernel 、 苛苛芭油 Jojoba Oil  和 玫瑰果油 Rosehip Oil 香薰油: 岩蘭草 Vetivert 、 苦橙葉 Petitgrain 、 日本柚子 Yuzu 、 意大利紅橙 Blood Orange 、 日本カボス Kabosu 、 佛手柑 Bergamot 、 桔 Tangerine 、 西柚 Grapefruit 、 檸檬 Lemon ** 成份全天然, 無添加防腐劑和漂白劑, 潤唇膏顏色為淡黃色, 此為有機蜂蠟的天然顏色。...

Hand made Lemon Ginger soap for winter – 秋冬檸檬薑特別版

時間 話咁快又11月了! 今年的入秋準備得有點慢, 十月初才想起要整一個秋冬合用的手工皂。。。 遲係遲左, 但到聖誕時都可以用了。 唔長氣提使用手工皂的好處。 因為製作需時, 約要個半至兩個月等冥皂熟成, 大家如果要預訂手工皂作為聖誕節小禮物, 請於十一月中前聯絡。 底油成份:Extra Virgin Olive Oil 橄欖油, Coconut Oil 椰子油, Sweet Almond Oil 甜杏仁油 ,Shea Butter 乳木果脂, Rice Bran Oil 米糠油, Borage Oil 琉璃苣油, Rosehip Oil...

Love Yourself 愛自己

這支油其實開始時係調俾自己出門時候使用的。 因為出門外遊時, 基本上係工作理由出門比較多, 工作時間加長了睡眠不足, 再加埋飲食不定時不定量,  臉上皮膚第一個反映出來。再加上酒店的冷氣通常都又凍又大風, 保濕這個topic 就更加要落力了。 主要用於臉上的關係, 都重手地加入杏核油、琉璃苣油和玫瑰果油。  這些油質地比較幼細,滲透性極佳,可軟化皮膚,保持潤澤和彈性,當中更含 a 和 y – 亞麻油酸,均是人體必需要的脂肪酸。 精華油方面, 用了最愛的奧圖玫瑰、天竺葵和檸檬,香薰油的功能性和味道上的配合真係可以詳細得寫論文一樣。 留待以後再花時間寫了。 簡單一句是身心靈方面都有考慮到的配合, 身體上可以緊緻、美白、促進血液循環,心靈上可以加強幸福感、減壓、鎮靜等作用。 精華油濃度保持在3%以下,方便各位自行在家使用。 使用方法: 臉部:在洗臉後, 先塗上有機玫瑰花水,再用2-3 滴份量,按摩全臉和頸 洗澡後:用毛巾抹乾身之前, 用 4-6 滴左右,塗抹全身或乾燥部份 平日:加一兩滴到平時使用的hand cream/ body cream/ oil,可以加強滋潤度,慢慢以向心方法推或打圈按壓。 但不鼓勵加到baby oil,因為係石油副產品會阻塞毛孔。 長氣一點:只能外用,不能進食。大肚婆、老人家、小朋友使用前先跟香薰治療師(即係我)相談。 成份:(全天然的成份,顏色味道每批次也會有少許變化) Base Oil 底油 : Apricot Kernel 杏核, Jojoba 荷荷巴,  Wheatgerm 小麥胚芽,  Rosehip, 玫瑰果,  Borage 琉璃苣 Essential Oil 精華油:Frankincense 乳香,  Geranium 天竺葵, Lemon 檸檬,  Ylang ylang 依蘭, Rose Otto 奧圖玫瑰,  Sandalwood...

外遊快樂

去旅行時, 遇上酒店房間/ 廁所有異味, 真係破壞整個假期. 有些人會燒一支香或鼠尾草, 但怕煙霧探測器會響, 呢個時候當然香薰油可以幫到你. 薰衣草, 香茅, 檸檬, 西柚, 甜橙等等都可以快速改善房間內的味道. 旅行用的放濕器其實是一個不錯的隨身用品, 因為酒店房間通常開冷/ 暖氣都會變得很乾, 放濕的同時也可以加入幾滴香薰油, 放濕的同時又可以癖味. 再簡單的, 直接滴在紙巾上, 然後在房間內走一圈, 或直接放在發熱的燈泡上, 那房間的味道就會慢慢變好了… 枕頭有異味, 那可以直接加一滴薰衣草在枕頭角,...