香薰油有致敏物質??

第502期的選擇月刊的主題 – 30款熱門香薰油大測試 全部驗出不同皮膚致敏物質! (英文版) 呢兩日收到各位朋友們的message, 好耐都無咁熱鬧呀! 大家最多係關心『成日標榜全天然後香薰油”竟然”有致敏物質? 』 終於成功帶起一個收埋好耐而應該好好討論的題目。 首先, 唔好只睇其他傳媒的報導, 買返本第502期的選擇月刊由頭到尾睇一次消委會講乜先, 中文版好易睇,網上都有英文版,IFA 都share 埋啦,唔好偷懶。 睇唔明或想再討論就揾我啦,慢慢解你聽香薰角度同消委會角度有乜分別。 其實成個報告寫得好中立, 中間出現好多權威來用唔同角度講解,包括醫學會、香港中毒諮詢中心、香港專業教育學院應用科學系、香港醫院藥劑師學會、香港衛生處。 而化驗標準都有包括世界衛生組織、IFRA (國際香精香料協會 International Fragrance Association)、中國國家推薦日用香精標準、歐盟化妝品規例。。。 當然呢D角度,無一個係由專業香薰治療師出發, 呢個係其中一個不足, 難怪一眾治療師都忍唔住出聲。 呢兩日唔少香薰治療/香薰品牌都有相繼出post 講解整篇報導的手法,特別係測試過程,化學成份含量等等。 寫報告的朋友唔係香薰治療師, 出發點當然唔係專業期刊咁專業,不過唔少重點都係大眾應該要知道的(俾返個讚消委會),就係我成日都講的: 香薰油唔係玩具, 唔可以太隨意隨心隨量使用。 用係自己身體出事的都係自己辛苦, 但如果用落家人身體, 出事就係家人啦。 一定要用稀釋,唔好直接使用100% 香薰油係身體上,雖然唔少書唔少人都話薰衣草同茶樹可以直接使用, 但使用次數,使用劑量呢? 呢D都係要小心考慮的環節。 無專業醫護人員指導下,唔可以內服。 要知道香薰油的濃度之高,係可以令你內臟受損,仲會加重身體肝臟的解毒負擔。 唔同人的使用禁忌。 例如嬰兒、小朋友、男人、女人、孕婦、老人家等等,各自有唔同的情況要注意。 有乜問題,唔好自己估估下,諮詢你身邊的香薰治療師,即係我呀喂。 唔好只信口耳相傳,真係要用香薰油就買D書睇下,睇多D知多D試多D,出事機會相對減少。 想知邊本書入門好,PM我啦,係呀,又係揾我呀。 最後, 長氣都要講埋, 作為一個香薰治療師,英瑞德法日乜都好, 將正確的資訊帶俾身邊的人,係一件好緊要的事。 係咁易用又唔會出事,大家唔使咁辛苦去讀去考去實戰啦。...

白蘭花

白蘭花, 唔係香薰治療的常客, 勝在容易係香港接觸到,通常一年開花兩次,冬夏各一, 又以夏天的花量較好。 最常見係的士司機大佬會放係風口位或吊係倒後鏡,等架車無咁臭。 第二係街邊賣一花的婆婆和伯伯。見佢地好好心機入左細包,有時仲有白蘭葉襯底。 市面上唔常見有白蘭花精華油賣, 有的話香味總帶一點 up 味。 真係想要留住呢種香,唯有係自己浸泡吧。 點樣做浸泡油, 相信唔少書都有教,今次先唔講點浸, 成件事難在係鬧市捉到賣花的婆婆伯伯, 然後可以快快回家進行各種工序。。。 可能我唔常經過旺角銅鑼灣, 所以真係好少見到賣花人呢。 今年5月夏天浸左一轉。 有浸油,都有浸酒精。 今次浸泡油就拎來做梘, 希望仲有剩返少少可以整多批潤唇膏啦。 浸酒精的部份呢, 其實有唔少存貨, 俾D...
旅行買油記

旅行買油記

  旅行時搵當地出產的香薰油,原來都幾好玩,特別係當地獨有的植物。 柚子係日本特產,數過有5-6 間公司出品,香味都有唔同性格。 算係香膏香水高用量的油,每次見到都忍唔住入貨。 由於產量產地唔多(有寫詳細產地的會寫四國或高知,有d 就咁寫日本!),好少列入歐洲的香薰書,真係日文香薰書先有記載。 柑橘家族仲有其他選擇,要日本感覺就真係柚子先帶到俾你。 下次揀柚子收割季節去四國,如果有得參觀提煉過程應該幾好玩,唔知有無文旦油、可能會再清香少少。。。 今次仲搵到日本羅漢松(Hibawood),歐洲香薰書通常提松樹 (Pine)又唔會咁細分, 日系香膏可能就係等埋你啦! 右下係新發現、香薰火柴! 應該係人工合成部份比較高,賣點係一支火柴持續燒十分鐘喎,真係點都買盒返來做賣火柴的女孩啦...

妙用潤唇膏

學名叫潤唇膏, 其實都係由不同的天然油脂鍊成出來的產物。 常見又常用於潤唇膏的天然油脂包括:蜂蠟、  可可脂、 乳木果脂、  甜杏仁油、 荷荷巴油、  玫瑰果油、  琉璃苣油、  芝麻油等等。。。本店所有香薰產品中使用的油, 全部都是以冷壓法提鍊, 跟平常買到的食油製作方法完全唔同。 冷壓法最重要的精神係, 提取油脂時不會用到高溫高壓或化學品去幫助提鍊油份, 確保油品中的最大量的天然成份得以保存。 潤唇膏則了使用在咀唇外,還有很多不同的急救用途: 用在甩皮的地方, 如鼻水長流的日子, 鼻頭就第一時間甩皮。 可以在清潔完後, 順手用潤唇膏劃一圈, 甩皮的情況可以減少 乾燥天無帶hand cream, 可以直接在手上劃幾行, 然後再慢慢按摩全手, 比你平常用開的所有 hand cream 都要潤 出門旅行, 突別係去寒帶, 室內勁暖氣的地方, 沖涼後可以在手腳踭的地方劃兩圈, 同樣有防乾的效果。 臉霜不夠潤的話, 同樣道理都可以用在臉上。 以上的急救, 當然係指使用有機的潤唇膏,...

孕婦和兒童使用香薰油的安全問題

關於孕婦和兒童使用香薰油的安全問題, 不時有準媽媽和媽媽們來討論。 其實由懷孕開始, 所有直接使用在身體上的香薰產品, 準媽媽都要小心。 因為不少香薰油都會刺激子宮收縮, 為免有不愉快事情發生, 懷孕期間先停止使用所有香薰精華油。 如需要按摩或滋潤皮膚, 可以直接使用底油。 站在香薰治療師的角度, 小朋友的身體內臟倘未發育完成, 香薰油的毒性有機會對身體內臟作出永久性的損害。特別是3 歲以下初生嬰兒在沒有香薰治療師的協助下, 不建議使用任何未經稀釋或已經稀釋的香薰精華油於身體上。 同樣, 可以直接使用底油來滋潤身體。 都係成日講果句:...