香薰油有致敏物質??

第502期的選擇月刊的主題 – 30款熱門香薰油大測試 全部驗出不同皮膚致敏物質! (英文版) 呢兩日收到各位朋友們的message, 好耐都無咁熱鬧呀! 大家最多係關心『成日標榜全天然後香薰油”竟然”有致敏物質? 』 終於成功帶起一個收埋好耐而應該好好討論的題目。 首先, 唔好只睇其他傳媒的報導, 買返本第502期的選擇月刊由頭到尾睇一次消委會講乜先, 中文版好易睇,網上都有英文版,IFA 都share 埋啦,唔好偷懶。 睇唔明或想再討論就揾我啦,慢慢解你聽香薰角度同消委會角度有乜分別。 其實成個報告寫得好中立, 中間出現好多權威來用唔同角度講解,包括醫學會、香港中毒諮詢中心、香港專業教育學院應用科學系、香港醫院藥劑師學會、香港衛生處。 而化驗標準都有包括世界衛生組織、IFRA (國際香精香料協會 International Fragrance Association)、中國國家推薦日用香精標準、歐盟化妝品規例。。。 當然呢D角度,無一個係由專業香薰治療師出發, 呢個係其中一個不足, 難怪一眾治療師都忍唔住出聲。 呢兩日唔少香薰治療/香薰品牌都有相繼出post 講解整篇報導的手法,特別係測試過程,化學成份含量等等。 寫報告的朋友唔係香薰治療師, 出發點當然唔係專業期刊咁專業,不過唔少重點都係大眾應該要知道的(俾返個讚消委會),就係我成日都講的: 香薰油唔係玩具, 唔可以太隨意隨心隨量使用。 用係自己身體出事的都係自己辛苦, 但如果用落家人身體, 出事就係家人啦。 一定要用稀釋,唔好直接使用100% 香薰油係身體上,雖然唔少書唔少人都話薰衣草同茶樹可以直接使用, 但使用次數,使用劑量呢? 呢D都係要小心考慮的環節。 無專業醫護人員指導下,唔可以內服。 要知道香薰油的濃度之高,係可以令你內臟受損,仲會加重身體肝臟的解毒負擔。 唔同人的使用禁忌。 例如嬰兒、小朋友、男人、女人、孕婦、老人家等等,各自有唔同的情況要注意。 有乜問題,唔好自己估估下,諮詢你身邊的香薰治療師,即係我呀喂。 唔好只信口耳相傳,真係要用香薰油就買D書睇下,睇多D知多D試多D,出事機會相對減少。 想知邊本書入門好,PM我啦,係呀,又係揾我呀。 最後, 長氣都要講埋, 作為一個香薰治療師,英瑞德法日乜都好, 將正確的資訊帶俾身邊的人,係一件好緊要的事。 係咁易用又唔會出事,大家唔使咁辛苦去讀去考去實戰啦。...

白蘭花

白蘭花, 唔係香薰治療的常客, 勝在容易係香港接觸到,通常一年開花兩次,冬夏各一, 又以夏天的花量較好。 最常見係的士司機大佬會放係風口位或吊係倒後鏡,等架車無咁臭。 第二係街邊賣一花的婆婆和伯伯。見佢地好好心機入左細包,有時仲有白蘭葉襯底。 市面上唔常見有白蘭花精華油賣, 有的話香味總帶一點 up 味。 真係想要留住呢種香,唯有係自己浸泡吧。 點樣做浸泡油, 相信唔少書都有教,今次先唔講點浸, 成件事難在係鬧市捉到賣花的婆婆伯伯, 然後可以快快回家進行各種工序。。。 可能我唔常經過旺角銅鑼灣, 所以真係好少見到賣花人呢。 今年5月夏天浸左一轉。 有浸油,都有浸酒精。 今次浸泡油就拎來做梘, 希望仲有剩返少少可以整多批潤唇膏啦。 浸酒精的部份呢, 其實有唔少存貨, 俾D...
旅行買油記

旅行買油記

  旅行時搵當地出產的香薰油,原來都幾好玩,特別係當地獨有的植物。 柚子係日本特產,數過有5-6 間公司出品,香味都有唔同性格。 算係香膏香水高用量的油,每次見到都忍唔住入貨。 由於產量產地唔多(有寫詳細產地的會寫四國或高知,有d 就咁寫日本!),好少列入歐洲的香薰書,真係日文香薰書先有記載。 柑橘家族仲有其他選擇,要日本感覺就真係柚子先帶到俾你。 下次揀柚子收割季節去四國,如果有得參觀提煉過程應該幾好玩,唔知有無文旦油、可能會再清香少少。。。 今次仲搵到日本羅漢松(Hibawood),歐洲香薰書通常提松樹 (Pine)又唔會咁細分, 日系香膏可能就係等埋你啦! 右下係新發現、香薰火柴! 應該係人工合成部份比較高,賣點係一支火柴持續燒十分鐘喎,真係點都買盒返來做賣火柴的女孩啦...

蜜糖生薑洗頭皂

洗髮皂終於ready! 戒掉沐浴露後, 下一步就係戒掉洗頭水。 市面上多左幾款洗頭水主打『無矽油』, 不過要睇明哂所有成份,其實難過考TSA。 個幾月先用完一舊 (本人短髮, 髮質偏幼),感覺頭髮生長速度快左,最緊要係頭頂同後尾枕有返蓬鬆的效果! 洗頭時有淡淡的薑味, 感覺不錯。 成份: Olive Oil 橄欖油、 Coconut Oil 椰子油、  Rice Bran Oil 米糠油、蓖麻油、Palm Oil 棕櫚油、 Honey 香港本地出產蜜糖、Ginger...

初秋清酒皂

酒經常可以飲, 以酒入皂就真係第一次。 人地廣告成日話清酒釀造廠的年老釀酒師臉上滿佈皺紋,雙手卻依然細嫩,因為。。。。(下刪一千字 雖然唔知含有幾多的Pitera, 不過加入左最愛的苦橙葉和雪松,可為緊張的城市生活打打氣!   苦橙葉 - 令人放鬆,安撫憤怒和恐慌, 情緒低落時讓人有踏實的感覺。 除臭效果也不錯。 雪松 - 可以安憮神經緊張和焦慮,令人鎮定。 成份: Sake 日本清酒、 Olive Oil 橄欖油、 Coconut Oil 椰子油、 Shea Butter 乳木果油、 Rice Bran Oil 米糠油、 Evening Primrose Oil 月見草油、Petitgrain 苦橙葉、 Cedarwood...