白蘭花香水

入夏後,街邊周不時見到婆婆賣一包包的白蘭花, 平時買來放係屋企, 放一日就變黑。 今次試下用酒精浸, 出來效果比預期中好! 不過味道的持久性有點差, 俾D...

Insect Repellent 蚊膏

夏天為大地帶來美腿!也為我帶來蚊子! 開始左退休生活後, 第一樣諗起自己身邊支阿婆油一早用完, 加上立夏又過埋, 實在不能再懶,趕緊開工完成阿婆油同新的蚊膏。 蚊膏造型同潤唇膏好似樣, 其實佢表面係一支蚊膏,但其實佢都係一支潤唇膏!  今次香茅 同 尤加利係重手左, 頂得住個味, 做埋潤唇膏都係一件方便的事。 同埋迎接夏天, 今次都加強左硬度! 使用方法: 平日市區返工返學行街, 出門劃一次係領口 / 袖口 / 褲腳位, 如果好惹蚊的話食飯前 / 放工前再補多次。 多昆蟲的時候,係身體外露的地方劃幾下, 然後再用手推開佢。 行山戶外運動時候, 要勤力少少補油, 1-2 個鐘就重新劃多次, 因為汗水已經幫你帶走左蚊膏。 惹蚊的朋友, 點解次次都係你呢? 其實同血型無關但體質有關!   長氣一點:只能外用,不能進食。 正在使用順勢療法、大肚婆、老人家、小朋友使用前先跟香薰治療師(即係我)相談。 成份:(全天然的成份,顏色味道每批次也會有少許變化) Base Oil 底油: Jojoba 荷荷巴, Wheatgerm 小麥胚芽, Apricot kernel 杏核, Bee Wax 蜂蠟, Vitamin E 維他命E Essential Oil 精華油: Peppermint 薄荷,  Lavender 高山薰衣草, Eucalyptus 尤加利, Cedarwood 雪松, Basil 羅勒, Vetiver 岩蘭草, Lemongrass 香茅  ...

Savon de Marseille 72% 橄欖馬賽手工皂

未開始整手工皂之前, 都有聽聞過馬賽皂的好處。 真係講到要幾滋潤有幾滋潤,要幾保濕有幾保濕, 不過有幾好用都真係自己用過先知道! 手工皂的成份有72% 為橄欖油, 滋潤度和保濕度好適合香港的秋冬天, 而有濕疹的朋友都可以長年使用。 好多書都寫明馬賽皂有特定的油量比列要跟, 我只保留左 72% 橄欖油呢個份量, 其中的棕櫚油因為環保的原因, 個人立場就係可免則免, 所以使用其他更有營養的油來代替。 以我呢種唔鐘意跟recipe 的人來講, 呢種改動都好正常 XD 而家手上有兩個配方: 洋甘菊薰衣草 - 主要對應敏感肌,心靈上更可以令人放鬆, 特別適合下班回家鬆一鬆。 精華油: 薰衣草 Lavender , 羅馬洋甘菊 Roman Chamomile , 德國洋甘菊 German Chamomile 柑橘 -味道清新, 絕對能夠為沉悶的生活帶來一點生氣 精華油:sandalwood 檀香 ,lemon 檸檬,  abundence,kabosu 臭橃,yuzu 柚子 ,tangerine 桔,bergamot 佛手柑,orange 甜橙,petitgrain 苦橙葉 底油成份:Extra Virgin Olive Oil 初窄橄欖油, 檸檬橄欖油, Coconut Oil 椰子油, Sweet Almond Oil 甜杏仁油 ,Mango Butter 芒果脂, Rice Bran Oil 米糠油 *** 橄欖手工皂的熟成期比較長, 要60-90 日, 如果要custom blend 的朋友,...

Citrus Organic Lip Balm 柑橘味有機潤唇膏

多謝大家厚愛, 呢個甘橘味潤唇膏反應超勁, 連產品 detail 都未寫好就剩返一半了。 之前係facebook 提及總共使用 7 種不同的柑橘味精華油,  其實最大原因係自己的選擇困難症。。。又想要柚子的清新, 又要西柚的微酸, 仲想要埋佛手柑的清香。。。  咁就適當地全部用哂吧!想到柑橘系朋友們在心靈情緒上的功效, 即刻頭也不回全部放入潤唇膏內! 除了肉體上保護雙唇, 最重要可以舒緩神經緊張、 抗抑鬱, 實在係寒冬為你打打氣! 成份:蜂蠟 Bee Wax 、乳木果油 Shea Butter 、 椰子油  Coconut Oil 、 甜杏仁油  Sweet Almond 、 杏核油 apricot kernel 、 苛苛芭油 Jojoba Oil  和 玫瑰果油 Rosehip Oil 香薰油: 岩蘭草 Vetivert 、 苦橙葉 Petitgrain 、 日本柚子 Yuzu 、 意大利紅橙 Blood Orange 、 日本カボス Kabosu 、 佛手柑 Bergamot 、 桔 Tangerine 、 西柚 Grapefruit 、 檸檬 Lemon ** 成份全天然, 無添加防腐劑和漂白劑, 潤唇膏顏色為淡黃色, 此為有機蜂蠟的天然顏色。...

Winter special – Geranium Orange Sugar Hand Mask 冬季限定 – 天竺葵甜橙有機黃糖磨砂手膜

入冬後,天氣轉冷轉乾, 如果再經常洗手的話, 雙手真係乾上加乾。 黃糖面膜大家可能用過其他出名的牌子, 不過這個配方除了常見的磨砂外還加上更滋潤的蜂蠟,, 可以為勤勞的雙手打打氣! 強烈建議每星期使用一次,使用時小心黃糖會四散,宜於洗手間使用。 精華油方面的配搭,這個冬季限定版選先用了天竺葵、甜橙、檀香。 天竺葵適合各種皮膚,能平行皮脂分泌,對鬆垮、毛孔阻塞及油性皮膚也很好,是一種對適合各種皮膚的精華油。而且有促進血液循環的性質,使用後會讓蒼白皮膚顯得紅潤有活力。 甜橙可以鎮靜焦慮情緒,具有助睡眠的作用. 消除生活的緊張、緩解壓力,改善失眠症狀。 檀香是很好的皮膚再生劑,可以令人鎮定及恢復穩定情緒。對細胞再生、憂鬱、頭痛、噁心、緊張都有幫助。 使用方法: 雙手用熱水洗淨, 保持雙手濕潤 拿一份約 iphone home button 大少的糖放在手上 雙手慢慢按摩, 特別是手指關節位和指甲邊。以體溫和洗熱水後的熱力令糖和蜂蠟慢慢溶解。 準備一對棉手套, 包住雙手約15-20分鐘。 期間可以再準備熱毛巾為雙手作熱敷。 完成後可以脫去棉手套, 用水沖走餘下的糖粒。   基本成份:有機蜂蠟 Bees Wax、 甜杏仁油 Sweet Almond、 小麥胚芽油 Wheatgerm Oil、 維他命E Vitamin E 精華油:天竺葵 Geranium、 甜橙 Orange、 檀香 Sandalwood 除了冬季限定版外,當然都會提供 Custom Blend 服務, 大家有需要就 email 俾我啦! ** 成份全天然, 無添加防腐劑和漂白劑, 手膜顏色為淡黃色, 此為有機黃糖的天然顏色。 敬請於6...