香薰油有致敏物質??

第502期的選擇月刊的主題 – 30款熱門香薰油大測試 全部驗出不同皮膚致敏物質! (英文版) 呢兩日收到各位朋友們的message, 好耐都無咁熱鬧呀! 大家最多係關心『成日標榜全天然後香薰油”竟然”有致敏物質? 』 終於成功帶起一個收埋好耐而應該好好討論的題目。 首先, 唔好只睇其他傳媒的報導, 買返本第502期的選擇月刊由頭到尾睇一次消委會講乜先, 中文版好易睇,網上都有英文版,IFA 都share 埋啦,唔好偷懶。 睇唔明或想再討論就揾我啦,慢慢解你聽香薰角度同消委會角度有乜分別。 其實成個報告寫得好中立, 中間出現好多權威來用唔同角度講解,包括醫學會、香港中毒諮詢中心、香港專業教育學院應用科學系、香港醫院藥劑師學會、香港衛生處。 而化驗標準都有包括世界衛生組織、IFRA (國際香精香料協會 International Fragrance Association)、中國國家推薦日用香精標準、歐盟化妝品規例。。。 當然呢D角度,無一個係由專業香薰治療師出發, 呢個係其中一個不足, 難怪一眾治療師都忍唔住出聲。 呢兩日唔少香薰治療/香薰品牌都有相繼出post 講解整篇報導的手法,特別係測試過程,化學成份含量等等。 寫報告的朋友唔係香薰治療師, 出發點當然唔係專業期刊咁專業,不過唔少重點都係大眾應該要知道的(俾返個讚消委會),就係我成日都講的: 香薰油唔係玩具, 唔可以太隨意隨心隨量使用。 用係自己身體出事的都係自己辛苦, 但如果用落家人身體, 出事就係家人啦。 一定要用稀釋,唔好直接使用100% 香薰油係身體上,雖然唔少書唔少人都話薰衣草同茶樹可以直接使用, 但使用次數,使用劑量呢? 呢D都係要小心考慮的環節。 無專業醫護人員指導下,唔可以內服。 要知道香薰油的濃度之高,係可以令你內臟受損,仲會加重身體肝臟的解毒負擔。 唔同人的使用禁忌。 例如嬰兒、小朋友、男人、女人、孕婦、老人家等等,各自有唔同的情況要注意。 有乜問題,唔好自己估估下,諮詢你身邊的香薰治療師,即係我呀喂。 唔好只信口耳相傳,真係要用香薰油就買D書睇下,睇多D知多D試多D,出事機會相對減少。 想知邊本書入門好,PM我啦,係呀,又係揾我呀。 最後, 長氣都要講埋, 作為一個香薰治療師,英瑞德法日乜都好, 將正確的資訊帶俾身邊的人,係一件好緊要的事。 係咁易用又唔會出事,大家唔使咁辛苦去讀去考去實戰啦。...

白蘭花

白蘭花, 唔係香薰治療的常客, 勝在容易係香港接觸到,通常一年開花兩次,冬夏各一, 又以夏天的花量較好。 最常見係的士司機大佬會放係風口位或吊係倒後鏡,等架車無咁臭。 第二係街邊賣一花的婆婆和伯伯。見佢地好好心機入左細包,有時仲有白蘭葉襯底。 市面上唔常見有白蘭花精華油賣, 有的話香味總帶一點 up 味。 真係想要留住呢種香,唯有係自己浸泡吧。 點樣做浸泡油, 相信唔少書都有教,今次先唔講點浸, 成件事難在係鬧市捉到賣花的婆婆伯伯, 然後可以快快回家進行各種工序。。。 可能我唔常經過旺角銅鑼灣, 所以真係好少見到賣花人呢。 今年5月夏天浸左一轉。 有浸油,都有浸酒精。 今次浸泡油就拎來做梘, 希望仲有剩返少少可以整多批潤唇膏啦。 浸酒精的部份呢, 其實有唔少存貨, 俾D...

這一年在做甚麼?

唸了一些身心靈課程, 認識多了, 了解多了, 反而變得對自己更高要求。 這年身心靈的人/group /公司 等等用唔同方式,突然係我面前出現。。。  眼見唔少人好似突然出家咁, 突然受到召噢,靈感上身, 上一兩個course 就開班授徒, 幫人做治療。。。 一切都很港式的 – 快來快去。 回望唸香薰治療師以來的十幾年, 香薰治療係一個對自己個人認識很好的切入點, 簡單一點停留在身體層面,深入一點在心和靈的層面, 全都可以好好照顧到。 世界很大, 香薰只是一個起點, 中間經過的 SRT,SpR,靈氣, 天使, 水晶, 星座,頌缽等等, 每樣的出現都不是偶然。。。  在不知不覺間豐富了對心身靈平衡的認識。。。 下一步?繼續回歸自己, 做自己認為對的事情。 說回這個生日月, 火星進入獅子座,有夠熱呀!提早了幾天有預警,做了energy spa,做了massage, 內內外外都ready...