手工擴香石

懶人如我,一物幾用就最好。 可以做蠟燭台又可以順便擴香,唔點蠟燭時可以放小物, 仲可以種多肉植物! 除左實用的蠟燭台外, 仲準備左唔同做型的可愛天使俾大家慢慢揀, 聖誕唔知送乜俾人就諗諗佢地啦。 以天然原料製成, 不用電也不用火, 環保又安全的擴香方法。 擴香石的原理: 擴香石表面滿佈小孔, 用以調節空氣的濕度來發揮擴香的功效。 如果想擴香效果更顯著, 每日把擴香石浸在水裡幾分鐘吸收水份, 當擴香石濕度比空氣高時, 擴香效果會更明顯。 使用方法: 直接於表面滴入喜歡的香薰油, 先用1-2 滴去測試使用的空間可以容納多少香薰油,之後可以跟據個人喜好加減, 建議保持在每日2-3 次,每次 3-5 滴左右。 記住人鼻係會有嗅覺疲勞, 香薰油唔好愈滴愈多。 留意有部份香薰油會帶淺黃/ 綠 /啡 /紅 等天然顏色, 使用在擴香石上也會被染色。 如執著純白的擴香石, 使用香薰油前請滴在紙巾測試香薰油顏色。 如果經常轉換香薰油的味道, 可以定期把擴香石置於水中 3-4 小時, 以洗去之前的味道。 風乾後可以繼續使用。 生活應用: 可以把擴香石放在家中、車內或辦工室, 早晚使用不同的香薰油來配合心情。 日間可以使用迷迭香 (Rosemary) 、 薄荷 (Peppermint) 等香薰油以作提振和集中精神, 或以柑橘類 (citrus) 如甜橙 (Orange)、西柚 (Grapefruit)、柚子 (Yuzu) 等令心情愉快,投入工作。 晚間可以換成薰衣草 (Lavender) 或檀香 (Sandalwood) 去幫助放鬆入眠。 更可以同時用幾種香薰油,發揮你的調香功力為自己創造更愉快舒適的空間吧。 擴香石實在係送禮自奉佳品。全部只能以人手製作, 仲要預留時間定型和風乾。 歡迎小量大量訂製作為婚禮、壽宴、生日會、散水小禮物等。... read more

香薰油有致敏物質??

第502期的選擇月刊的主題 – 30款熱門香薰油大測試 全部驗出不同皮膚致敏物質! (英文版) 呢兩日收到各位朋友們的message, 好耐都無咁熱鬧呀! 大家最多係關心『成日標榜全天然後香薰油”竟然”有致敏物質? 』 終於成功帶起一個收埋好耐而應該好好討論的題目。 首先, 唔好只睇其他傳媒的報導, 買返本第502期的選擇月刊由頭到尾睇一次消委會講乜先, 中文版好易睇,網上都有英文版,IFA 都share 埋啦,唔好偷懶。 睇唔明或想再討論就揾我啦,慢慢解你聽香薰角度同消委會角度有乜分別。 其實成個報告寫得好中立, 中間出現好多權威來用唔同角度講解,包括醫學會、香港中毒諮詢中心、香港專業教育學院應用科學系、香港醫院藥劑師學會、香港衛生處。 而化驗標準都有包括世界衛生組織、IFRA (國際香精香料協會 International Fragrance Association)、中國國家推薦日用香精標準、歐盟化妝品規例。。。 當然呢D角度,無一個係由專業香薰治療師出發, 呢個係其中一個不足, 難怪一眾治療師都忍唔住出聲。 呢兩日唔少香薰治療/香薰品牌都有相繼出post 講解整篇報導的手法,特別係測試過程,化學成份含量等等。 寫報告的朋友唔係香薰治療師, 出發點當然唔係專業期刊咁專業,不過唔少重點都係大眾應該要知道的(俾返個讚消委會),就係我成日都講的: 香薰油唔係玩具, 唔可以太隨意隨心隨量使用。 用係自己身體出事的都係自己辛苦, 但如果用落家人身體, 出事就係家人啦。 一定要用稀釋,唔好直接使用100% 香薰油係身體上,雖然唔少書唔少人都話薰衣草同茶樹可以直接使用, 但使用次數,使用劑量呢? 呢D都係要小心考慮的環節。 無專業醫護人員指導下,唔可以內服。 要知道香薰油的濃度之高,係可以令你內臟受損,仲會加重身體肝臟的解毒負擔。 唔同人的使用禁忌。 例如嬰兒、小朋友、男人、女人、孕婦、老人家等等,各自有唔同的情況要注意。 有乜問題,唔好自己估估下,諮詢你身邊的香薰治療師,即係我呀喂。 唔好只信口耳相傳,真係要用香薰油就買D書睇下,睇多D知多D試多D,出事機會相對減少。 想知邊本書入門好,PM我啦,係呀,又係揾我呀。 最後, 長氣都要講埋, 作為一個香薰治療師,英瑞德法日乜都好, 將正確的資訊帶俾身邊的人,係一件好緊要的事。 係咁易用又唔會出事,大家唔使咁辛苦去讀去考去實戰啦。... read more